Аяллын үргэжлэл: Өндөр моднуудын дунд

Өглөө босоод цайгаа чанаж уугаад өдөр идэх жаал жуул юмаа бэлдэж аваад хөдөллөө.
Эхний зогсолт нь амьд яндан мод /The living chimney tree/, Redwood shoes house, Gravitiy house, уул рууу вагоноор аялах Mountain train /http://www.confusionhill.com// бүхий Confusion hill гэдэг газар байсан бөгөөд онгойгоогүй байсан тул дараа хүүхдүүддээ үзүүлнэ гээд цааш хөдөллөө.

Мөн бид нар орж чадаагүй ч энэдээс холгүй One log House /www.oneloghouse.com / гээд унасан модны хонгилд байрлах кофе хауз, 265 фийт өндөр, 1800 жилийн настай grandfather tree зэрэг сонирхолтой газрууд байдаг юм билээ.
Буудалласан газраас жаахан яваад бидний явж байгаа Hwy 101 замтай паралель 31 майл үргэжлэх байгалийн гайхамшигт Redwood модон дундуур дайрч өнгөрөх The Avenue of the Giants /хуучин Hwy101-ийн хэсэг/ орлоо. Энэ зам Humboldt Redwood State park-т http://humboldtredwoods.org/ багтах бөгөөд нийт 500 майл орчим улаан моднуудын бүсийн нэлээд сайн харж авах хэсэг нь болдог гэж мэдээллийн самбар дээрээ бичжээ. Энэхүү Стайт паркд пикник, кампин, явган аялал, усанд сэлэх, загасчлах, завиар аялах, дугуйн аялал хийх боломжтой бгөөөд түүнчлэн зүгээр л эртний өндөр модон дунд "амгалан тайван" байдлыг мэдрэх боломжийг өгнө гэжээ. Зам дагуу кампин, үйлчилгээний газрууд элбэгтэй юм байна. Нэг тоо сонирхуулахад хамгийн өндөр улаан мод нь 360 фийт буюу Эрх чөлөөний хөшөөнөөс даруй 2 дахин өндөр гэсэн үг юм. Бид хэд энэ хэсгээр дайран өнгөрч үзэх төлөвлөгөөтэй байсан тул нэлээд сонирхолтой хэсгүүдээр нь зөвхөн зогсолт хийж явлаа. Харин дараа нь тайван аажуу hiking хийж үзэх газрууд, гоё моднууд, устай олон хоногоор камкин хийх газар гэж ирээдүйн төлөвлөгөөндөө хийгээд авлаа.
 Бидний өмнөх өдрийн дайрч гарсан модон хонгилын адил хэд хэдэн мод байдаг бөгөөд үүний нэг нь The Avenue of the Giants эхэлснээс хэдхэн майл яваад Myers Flat гэдэг хэсэгт байрлах Shrine Drive Thru Tree юм.  Дээрх 2-оос гадна бүүр Klamath-ийн ойролцоо Klamath Tour-Thru Tree /Terwer Valley Exit/ байдаг юм байна. Эдгээр нь бүгд хувийн зам дээр байрлах бөгөөд үзэж доогуур гарахын тулд тодорхой хэмжээний мөнгө /$5 орчим/ төлөх хэрэгтэй болно. Хэдийгээр эдгээр моднууд нь аялагчдын сонирхлыг ихээр татдаг ч байгаль хамгаалах үүднээс модонд нүх гаргах нь эдгээр ховор моднуудын бүтцэд өөрчлөлт оруулж гэмтээдэг тул эдгээр моднуудыг унагахгүй байлгахад /Yosemite NP-ийн Mariposa Grove дахь алдарт драйв тру мод 1969 онд их цаснаар ойчсон юм байна/ ойчид их анхаардаг гэж бичжээ.    
Үүний дараа жаахан яваад уг стайт паркийн визитор төв байсан ч онгойгоогүй байсан тул цааш хөдөллөө. Мөн жаахан яваад Weott, Redcrest 2 жижиг хотын дунд байрлах Founders Grove гэдэг газар  Dyerville Giant /Dyerville Loop Road уруу/ буюу 1991 онд  American Forestry Association-ээс "Champion" of Coast Redwood гэж хүлээн зөвшөөрөгдсөн хамгийн өндөр ургасан улаан модыг унасан байдлаар нь /хэсэг хэсгээрээ салсан/ харах боломж олдоно. Амьд байхад нь 1972 онд хэмжихэд 362 фийт байсан ба үүнийг төсөөлөхийн тулд Nigara хүрхнээс даруй 200 фийт өндөр эсвэл 30 давхар байшинтай өндөрөөрөө тэнцэхүйц байсан гэсэн үг юм. Энэ модны эцсийн өндрийг 370 фийт байсан гэж үздэг аж.
Цааш жаахан яваад Redcrest жижиг тосгоныг өнгөрөөд 2500 жилийн настай, 200 фоот хэмжээтэй өрөөтэй амьд модон одтор байрлах Enternal Tree house cafe' gift shop-ийг http://101things.com/humboldt/visit-the-eternal-treehouse-in-the-avenue-of-the-giants
сонирхож дайрвал зүгээр. Дашрамд дурдахад http://101things.com/ гээд вэб сайт болон уг байгууллагаас гаргадаг цаасан сэтгүүлүүдээс хойд Калифорний болон Орегон мужуудын коунтигуудын аялал, зугаа цэнгэлийн мэдээлэл маш дэлгэрэнгүйгээр авч болдог юм.
Redwood томгоны цаахантаа Pepperwood тосгоны наах нь  The Avenue of the Giants-ийн мэдээллийн төв байдаг ба аяллын хэрэгцээтэй мэдээллийг тэндээс авах боломжтой. Цааш нь үзэхэд сонирхолтой зүйлүүд гэвэл гал, ус, модчины сүхийг дайраад амьд үлдсэн Үхэшгүй мод /The immortal tree/, Hollow log truck  зэрэг болно.
Бид нар цааш Scotia гэдэг жижиг хотоос бензин авангаа модны үйлдвэрийн гадаах том модны тайрдас, вагон зэргийг үзээд Hwy 101-ийн далайн эрэг дагасан хэсгээр үргэлжлүүлэн давхисаар Eureka хотоос цааш 19 майл зайнд оршин Trinidad Bay гэдэг үзэсгэлэнт далайн эрэгт ирж Trindad lighthouse гэрэлт цамхаг дээр зогсож далайн зүг харж үдийн хоолоо идээд хөдөлсөн.

Дараа нь Kutchel визитор төвөөр дайрч рэнжерүүдаас тодорхой мэдээлэл, газрын зураг сэлт аваад цааш хөдөллөө. Үүний дараа рэнжерийн зөвлөснөөр давхиж үзэхэд аятахайн газруудын нэг гэсэн Bold Hills Rd-аар модгүй уулын энгэрээр давхиж тэр хавийнхаа хамгийн өндөр цэг дээр хүрээд буцаж зам уруугаа орлоо. Энэ давхилтаар шороон замаар нэлээд удаан явж цаг нэлээд алдсан тул Oregon орж кампиндах төлөвлөгөөнөөсөө больж Crescent хотын ойролцоо очиж кампинлахаар шийдлээ. Цааш Redwood National and State Parks-ийн эхний State park болох  Praire Creeek Redwood State park орж ирлээ. Аяллын мэдээллийн төвөөр орж музейг сонирхон арын хаалгаар нь гарч сонирхолтой моднуудыг үзэж алхлаа.

Дараа нь мөн л 101-тэй паралель Newton B.Druny Scenic Pkwy-ээр орж  замын 2 талаараа өнгөрөх үзэсгэлэнт газруудыг харж явлаа. Энэ замаас Coastal drive гэдэг далайн эргээр явдаг зам уруу орж ээжийн хэлдгээр "харахын ч аргагүй" өндөр, эгц, заримдаа хар хад, хар элс бүхий гоёмсог эргээр аажуухан явж зарим газраар зогсож 'breath taking' үзэсгэлэнг харж явлаа. Энэ замаар явж байхад аавын чихмэлийнх нь өмнө зургаа даруулаад байсан эндхийн алдарт хар баавгай машины өмнүүр өнгөрсөн тул тийм ойрхноос харсандаа аав болон хүүхдүүд баяртай байлаа.

Мөн нэлээд гоё газруудын нэг нь Klamth River далайтай нийлж байгаа хэсэг байсан бөгөөд хүмүүс энэд олноор усанд орж амардаг юм билээ. Ингээд кампин хийх газраа маргааш өглөө үзэх газрын ойролцоо сонгож Klamath хотын Mystic Forest RV Park-т буудаллаа.
Уг кампин дээр BBQ-ийн төмөр байхгүй дээр бид нар гал дээр хэрэглэдэг хайруулын тавгаа мартсан байсан тул Манда маань монгол аргаар сэтгэж хадмууддаа махаа шарж өглөө.

Маргааш өглөө нь зорьсон газар буюу Klamath хотын Trees of Mystery http://www.treesofmystery.net/ гэдэг газар хүрч ирлээ. Үнэ нь харьцангуй хямд юм байна. /Adults $14.00, Seniors $11.00 (60 and over), Kids 4-11 $7.00, Оids 3 and under Free/
Энэд үзэж сонирхох зүйлс гэвэл: төрөл бүрийн сонин хачин ургасан улаан моднууд,  Sky Trail -ээр гондологоор өндөр уулын орой уруу гарч тэндээс далайн эрэг, улаан модон ойг дээрээс нь харах, Paul Bunyan, түүний цэнхэр бух болон түүний тухай домгийг модны хөрөөгөөр дүрслэн урласныг харж бичлэгийг нь сонсох гээд л хангалттай олон зүйлс байна лээ.

  

 

Заан мод

Уруугаа харж ургасан мод

Байгалийн хонгил

Cathedral tree- 9 мод нэг дор эгнэж ургасан. Өмнө нь захиалгаар хуримын ёслол хийдэг юм билээ. 

Гондолоогоор аялж байна.

Тэнүүнээ Полтой ярьж сууж байна

Бараг хагас өдөр өнгөрчээ.  Бэлэг дурсгалын зүйлс үүднээс нь аваад гартал дээрээс Пол аварга хүн "What's your name dude?" гэлээ. Тэнүүнээ түүнтэй юм ярихаар хөл дээр нь суугаад тухлаад авлаа. Нэлээд ярьж суугаад баяртай гээд наашаа гүйлээ. Бид хэд ширээтэй газар тухалж хөнгөхөн юм идээд Seattle уруу шууд хөдөллөө. Ганц 2 зогссоныг үл тооцюол тасралтгүй давхисаар орой 8 цаг гэхэд  Seattle-д ороод ирлээ.

Үргэжлэл бий.

Амтат Корн-ны цаг

Энэ зуны улиралд гардаг жимс ногоонуудын нэг бол Corn буюу монголоор эрдэнэ шиш билээ. Энэд анх ирснийхээ л дараа амтанд нь орж билээ. Мэдээж их идвэл таргалуулна. Гэхдээ л зуны 3-хан сард шинэ ургацын корныг идэхээс буцахгүй :-). Хүүхдүүддээ ч гэсэн 7 хоногт 1, 2 удаа зуушинд, мөн аялалд энээ тэрээд авч яваад хэрэглэхэд тохиромжтой байдаг билээ. 

Үнэ ч маш хямд. Наад захын хүнсний дэлгүүрээс 4-6 ширхгийг 1 доллараар авч байна.

Энэд 200 гаруй төрлийн корн байдгийг саяхан хүртэл би мэдээгүй явсан юм. Би хувьдаа бол шар, цагаан гэж ангилна даа.

Хүмүүс зуны цагт BBQ-дэж их иддэг байх. Миний хувьд амар хялбараар нь усанд буцалгаж болгодог. Том саванд усаа эхлээд буцалгаад дээр нь корноо хальс, бүрхэвчээс нь салгаад  /би химийн бодис энээ тэрээг бодоод усаар угаагаад авдаг/нэг нэгээр нь хийж яг 7 минут буцалгаж болгож авна. Дээр нь дэлгүүрээс авахдаа бусад хүмүүсийг дууриаж тэнд нь бүрхүүлийг нь авсны хэрэггүй. Бүрхүүл нь корныг шинэ байлгаж хадгалахад хэрэгтэй бөгөөд гэртээ болгохынхоо өмнө л авч байгаарай.

Грилл дээр болгох энгийн арга нь: /Энийг бол эрүүддээ заагаад өгчих/

Бүрхүүлээс нь цэвэрлэсэн корноо чийгтэй цаасан алчуураар ороож дээр нь 2 давхар тугалган цаасаар чихэр шиг ороож грилл дээрээ тавина. 5 минут тутамд эргүүлж 30 минут орчим болгоно.
Мөн зарим хүмүүс грилдэхийнхээ өмнө хайлсан маслаар багсдаад жаахан давс цацаж дараа нь хэдэн минут усанд дэвтээгээд эвтэйхэн хуулж авсан хальсан дээр нь тавьж дунд зэргийн галаар грилддэг. Хальс түлэгдэж эхэлмэгц эргүүлсээр ойролцоогоор 10-15 минут грилдэж болгодог юм байна.

Хүмүүст урам зориг өгдөг илтгэгч - хөл гаргүй Nick Vujiicic

Эн залуугийн зарим бичлэгийг нь өнөөдөр хүүтэйгээ сууж үзлээ. Нүднээс нулимс гарсан ч өрөвдөх биш бахархах сэтгэл төрж байна. Би өөрөө энэ залуугийн насан дээр /23/ гэлтгүй өдийн насандаа олигтой юм хийж бүтээж чадаж байна уу гэдэг бодол өөрийн эрхгүй төрүүлж байна.

Inspirational Man .. .. no arms or legs ...

http://www.youtube.com/watch?v=_jeOguqNIAo&feature=related

Дээрх линкээр ороод сургуулийн хүүхдүүдэд зориулсан болон хажууд байгаа бичлэгүүдээс нь томчуудад зориулсан илтгэлүүдийг нь сонсоорой.

Баяраа

Шийгуаг хэрхэн сонгож худалдан авах вэ

Шийгуаны улирал эхэлж үнэ нь хямдарч, амт нь улам сайхан болж байна. Зуны халуунд хүүхэд багачууд гэлтгүй томчууд, түүний дотор миний бие /миний дуртай жимс/ дуртайяа идэж амны цангаа, зугаагаа гаргадаг. Иймд хөргөгчиндөө байнга л байлгахыг хичээдэг ч дэлгүүр, захын лангуунаас яаж сонгож авахаа сайн мэдэхгүй харж харж байгаад л нэлээн бараан судалтайг нь авч орхидог ч заримдаа амттай, заримдаа тааруурах нь таардаг билээ. Тэгвэл надад хэрэгтэй нэгэн зөвлөгөөг National Watermelon Promotion Board гаргасан байсныг олж авлаа. Уг зөвлөгөөгөөр:
1. Дэрээс нь хар. Хатуу /зөөлөн хэсэггүй/, тэгш хэмтэй, ямар нэгэн өнгө нь хувирсан, харласан зураас /хагарсан шийгуа ургах явцдаа өөрөө битүүрдэг аж. Үүнээс болж хар зураас буюу сорви үлдсэн байдаг/, хагарсан хэсэггүй байвал сайн юм байна.
2. Өргөөд үз. Хэмужээндээ хүнд санагдахаар байх ёстой. Учир нь 92 хувь нь уснаас тогтдог.
3.  Эргүүлж хар. Доод ёроолд нь шаргал цэг байх ёстой. Тэр нь хэсгээрээ /газрын цэг буюу ground spot/ газарт тогтож байгаад наранд болсон байх ёстой гэнэ.

Энд хүүхдүүдэд зориулж шийгуан пицца хийх "зааврыг" оруулж байна. Үүнийг хүүхдийн төрсөн өдөр, баяр, ер нь ямар ч үед dessert болгож өгөхөд амттай, амны цангаа гаргахаас гадна эрүүл сонголт болох билээ. Хийхэд ч амар.

1 (8-to-10 инч хэмжээтэй дугуй, 1 инч зузаантай) шийгуаг зүсч, илүүдэл шингэнийг нь шингээж арч.
1 cup варень /гүзээлзгэнийх лав зүгээр юм билээ/
1/2 cup цагаан шокладны чипс /bakery-д зориулсан тасагт байдаг/
1/2 cup үзэм
1/2 cup жижиглэсэн хушиг
1 cup үрсэн коконат /shredded coconut/

Хүүхнүүддээ...

Хүүхнүүддээ зориулж богинохон мэдээ бичиж байна. Сонин дээрээс охид анх Япон болон азийн орнуудад дэлгэрсэн бөгөөд нүдийг хүүхэлдэйн киноны баатрууд шиг /эсвэл Lady Gaga-ийн Bad romance видео шиг/ янз бүрийн сонин бөгөөд том болгож харагдуулдаг нэгэн шинэ төрлийн нүдний линз модонд орж байгаа мэдээ уншиж байтал нэгэн охины Youtube-ийн видео хэдэн сая хүн үзэж байдаг гэснийг сонирхож орж үзсэн юм. Би нэг айхтар  Youtube-чин биш ч бизнес талаас нь сонирхож харж байдаг юм. Видеонуудыг нь заримаас үзлээ. Амьдралын янз бүрийн тохиолдолд нүүрээ хэрхэн будах тухай, жишээ нь шинэ жилээр, болзоонд романтик харагдах, эсвэл Lady Gaga шиг харагдах гэх мэтчилэн хичээл видео хийсэн байна. Тусгай мэргэжлийг нь эзэмшээгүй бөгөөд байнга чаддаггүй ч баяр ёслолын үеэр л нүүрээ гоёж гангалахыг хичээдэг, жирийн над мэтийн хүүхнүүд, эсвэл шинээр иймэрхүү мэргэжил эзэмшиж байгаа охидууд үнэхээр хэрэгтэй юм гаргаж байдаг юм байна. Ялангуяа тэр охин ази учраас санал болгож байгаа өнгө, будаг нь Азиудад дөхөж очих юм болов уу гэж бодлоо. Мэдээж бүгдийг нь хэрэгжүүлэх нь юу юм, гэхдээ ядаж өө ийм будаг байдаг юм байна, ийм өөгөө дараад авахад зүгээр юм байна гэх мэтчилэн өгөөжтэй юм болов уу гээд та бүхэнтэйгээ хуваалцаж байна.
Тэр охины нэрийг нь Michelle Phan гэдэг бөгөөд маш олон хүн видеог нь сонирхож байдаг болохоор нэртэй косметикийн компаниуд гэрээ хийж бараагаа давхар сурталчилж байдаг болсон байна. Vogue сэтгүүлд хүртэл гарч чаджээ. Энэ нь уг охин мэддэг чаддаг юмаа хүмүүст ухаалаг байдлаар /хөгжим, фон, видеоны бичлэгийг хараарай/ хүргэж буян болсж байгаа төдийгүй интернэтийн технологийн гайхамшгаар мөнгө хийж амжилтанд хүрч чадсан олон хүмүүсийн жишээнүүдийн нэг болж байна.

Та бүхэн орж сонирхоорой. Хажуу талын видеонуудын хэсгээс төрөл бүрийн сэдвээр будах хичээлийг сонгож үзээрэй.
http://www.youtube.com/watch?v=IScASMjqfmI&feature=related